Company

ກ່ຽວກັບໂຊກໄຊ

ກຸ່ມ ບໍລິສັດ ໂຊກໄຊ ເປັນກຸ່ມບໍລິສັດຊັ້ນນໍາ ໃນລາວທີ່ດໍາເນີນການ ທາງດ້ານທຸລະກິດ ໃນອຸດສາຫະກໍາທີ່ຫຼາກຫຼາຍເຊັ່ນ : ການຄ້າ ນຳເຂົ້າ ແລະ ຈັດຈໍາໜ່າຍ, ຫວຍທັນສະໄໝ, ການກໍ່ສ້າງ, ປະກັນໄພ, ຂົນສົ່ງ - ໂລຈິສຕິກ, ສະຖາບັນການເງິນ, ອາຫານ ແລະ ເຄື່ອງດື່ມ. ນັບຕັ້ງແຕ່ໄດ້ສ້າງຕັ້ງຂຶ້ນໃນປີ 2005 ກຸ່ມ ບໍລິສັດ ໂຊກໄຊ ໄດ້ກາຍມາເປັນຜູ້ນໍາທີ່ ໄດ້ຮັບການຍອມຮັບໃນລາວ. ແລະ ເປັນຄູ່ຮ່ວມງານ ທີ່ໜ້າເຊື່ອຖື ສໍາລັບທຸລະກິດທັງພາຍໃນ ແລະ ຕ່າງປະເທດ. ພວກເຮົາໄດ້ສ້າງຄວາມສໍາພັນການເປັນຄູ່ຄ້າ ທາງດ້ານຈັດຈຳໜ່າຍ ທີ່ເຂັ້ມແຂງໃນຫຼາຍໆແບຣນລະດັບສາກົນ ແລະ ຍັງຄົງເຕີບໂຕດ້ວຍການຂະຫຍາຍທຸລະກິດໄປສູ່ ຄວາມຍືນຍົງ ເຊັ່ນ: ທຸລະກິດທາງດ້ານ ກະສິກໍາສີຂຽວ, ການປູກກາເຟ ແລະ ໂຮງສີເຂົ້າທັນສະໄໝ.

ການລົງທຶນຂອງ ກຸ່ມ ບໍລິສັດ ໂຊກໄຊ ຍັງຄວບຄຸມໄປຍັງ ທຸລະກິດລົດຍົນ ແລະ ປະກັນໄພ. ການສ້າງຕັ້ງບໍລິສັດ Toyota Lao ແລະ MSIG Sokxay Insurance ເປັນບາດກ້າວທີ່ສຳຄັນ ໃນການຂະຫຍາຍທຸລະກິດ. ດ້ວຍມຸ່ງໝັ້ນໃນການນຳເອົາ ນະວັດຕະກຳ ແລະ ການພັດທະນາແບບຍືນຍົງ ກຸ່ມ ບໍລິສັດໂຊກໄຊ ກຳລັງມຸ່ງໝັ້ນ ທີ່ຈະເປັນຜູ້ນໍາໃນການພັດທະນາ ເສດຖະກິດຂອງລາວ ແລະ ເປັນຄູ່ຮ່ວມງານທີ່ດີທີ່ສຸດສໍາລັບແບຣນລະດັບໂລກ ລວມໄປເຖິງ ນັກທຸລະກິດ - ນັກລົງທຶນລະດັບສາກົນ.

ທຸລະກິດຫຼັກ 0 ກຸ່ມທຸລະກິດ 0 ເຂດເສດຖະກິດ 0 ຈຳນວນພະນັກງານທັງໝົດ 0

ວິໄສທັດ

ວິໄສທັດຂອງພວກເຮົາ ຄືການເປັນ ກຸ່ມບໍລິສັດເປັນຜູ້ນຳ ຫຼາກຫຼາຍທາງດ້ານທຸລະກິດ ໃນປະເທດລາວ ແລະ ເປັນພັນທະມິດ ທີ່ເຊື່ອຖືໄດ້ໃນຕະຫຼາດສາກົນ ໂດຍການສົ່ງເສີມການພັດທະນາທີ່ຍືນຍົງ ຂັບເຄື່ອນນະວັດຕະກໍາ ແລະ ສ້າງຄວາມສໍາພັນ ໄລຍະຍາວກັບພັນທະມິດ ທາງດ້ານການຄ້າ, ການລົງທຶນ ດ້ວຍຄວາມມຸ່ງໝັ້ນ ໃນການໃຫ້ບໍລິການທີ່ເປັນເລີດທາງດ້ານການຄ້າ ການດໍາເນີນທຸລະກິດ ທີ່ເປັນມິດກັບສິ່ງແວດລ້ອມ ແລະ ການລົງທຶນ ໃນພາກທຸລະກິດທີ່ສໍາຄັນ ກຸ່ມບໍລິສັດ ໂຊກໄຊ ມຸ່ງຫວັງທີ່ມີສ່ວນຮ່ວມໃນການເຕີບໂຕຂອງ ສປປ ລາວ ໃນຂະນະດຽວກັນ ກໍ່ຮັກສາຜົນກະທົບເຊິງບວກຕໍ່ສິ່ງແວດລ້ອມ ແລະ ສັງຄົມ ພວກເຮົາມີຄວາມຕັ້ງໃຈທີ່ຈະສ້າງຄຸນຄ່າ ແລະ ໂອກາດທີ່ຈະຊ່ວຍໃຫ້ບໍລິການທີ່ດີທີ່ສຸດ ສໍາລັບຄູ່ຄ້າ ແລະ ລູກຄ້າຂອງພວກເຮົາ.

ຄວາມເປັນຂອງບໍລິສັດ

ກຸ່ມບໍລິສັດ ໂຊກໄຊ ເປັນບໍລິສັດຫຸ້ນສ່ວນຂອງຄົນລາວ 100% ມີປະສົບການຫຼາຍກວ່າ 20 ປີ ໃນ ຫຼາຍຂະແໜງອຸດສາຫະກຳເຊັ່ນ: ການຄ້າ, ປະກັນໄພ, ການເງິນ, ການກໍ່ສ້າງ, ການຂົນສົ່ງ, ອະສັງຫາລິມະຊັບ. ແລະອາຫານແລະເຄື່ອງດື່ມ ສ້າງຕັ້ງຂຶ້ນໃນປີ 2005 ກຸ່ມບໍລິສັດ ໄດ້ພັດທະນາ ຈົນມີບົດບາດສໍາຄັນ ໃນລາວ ແລະ ຕ່າງປະເທດ. ໂດຍມີການສ້າງ ຄວາມຮ່ວມມື ກັບບັນດາຕະຫຼາດສຳຄັນຄື: ຍີ່ປຸ່ນ, ສ.ເກົາຫຼີ, ໄທ, ຫວຽດນາມ, ມາເລເຊຍ, ຮົງກົງ, ສິງກະໂປ ແລະ ບັງກະລາເທດ ຜ່ານບັນດາຄູ່ຮ່ວມມືດັ່ງກ່າວ, ກຸ່ມ ບໍລິສັດ ໂຊກໄຊ ໂດຍຜ່ານການຮ່ວມມືເຫຼົ່ານີ້, ກຸ່ມບໍລິສັດ ໂຊກໄຊ ໄດ້ກາຍເປັນຕົວແທນຈໍາຫນ່າຍທີ່ໄດ້ຮັບຄວາມໄວ້ວາງໃຈ ຈາກແບຣນລະດັບໂລກ ເຊັ່ນ: Castrol, Maxxis, Dunlop, Goo.N, Mondelez ແລະ KCG.

ກຸ່ມ ບໍລິສັດ ໂຊກໄຊ ໄດ້ຂະຫຍາຍທຸລະກິດອອກໄປສູ່ ຫຼາຍຂະແໜງການ. ລວມທັງການລົງທຶນໃນອຸດສາຫະກໍາລົດຍົນ. ດ້ວຍການສ້າງຕັ້ງ Toyota Lao ໃນປີ 2019 ແລະ ການລົງທຶນໃນຂະແໜງການປະກັນໄພ MSIG Sokxay Insurance ໃນປີ 2023 ຮ່ວມກັບ ບໍລິສັດ ປະກັນໄພ Mitsui Sumitomo, ນອກຈາກນີ້ ກຸ່ມ ບໍລິສັດ ຍັງໄດ້ພັດທະນາໂຄງການແບບຍືນຍົງເຊັ່ນ: ການປູກກາເຟ ແລະ ດໍາເນີນທຸລະກິດໂຮງງານເຂົ້າທີ່ທັນສະໄຫມ.